İslamda günah — islam dinində günah anlayışına baxış. Günah islam etikasında mühüm bir anlayışdır. Müsəlmanlar tanrının (Allah) göstərişlərinə zidd olan, ya da dinin qoyduğu qanun və normaları pozan hər hansı bir şeyi günah hesab edirlər. İslama görə, günah varlıq yox, əməldir. Hesab olunur ki, Allah Qiyamət günü insanın yaxşı əməllərini günahları ilə ölçür və pis əməlləri yaxşılıqlarından çox olanları cəzalandırır.
"Quran" bütün mətnlərdə bu günahları təsvir edir və bəzi günahların axirətdə cəzasının digərlərindən daha çox olduğunu göstərir. Burada "böyük günahlar" (əl-Kəbirə) ilə "kiçik günahlar" (əs-Səğair) arasında aydın fərq qoyulur və əgər insan böyük günahlardan uzaq olarsa, kiçik günahlar bağışlanacaq. Mənbələr islam ənənəsində istifadə edilən günah üçün müxtəlif terminlərin dəqiq mənaları ilə bağlı müxtəlif fikirlər söyləyirlər.