Şahrudin Məhəmmədəliyev

Şahrudin Məhəmmədəliyev
Ümumi məlumatlar
Ləqəbi	Şah
Doğum tarixi	12 iyun 1994(1994-06-12) (32 yaş)
Doğum yeri	Mahaçqala, Dağıstan, Rusiya
Vətəndaşlığı	Azərbaycan  Rusiya
Boyu	1,84 m
Mövqeyi	qapıçı
Klub haqqında məlumat
Klub	Qarabağ
Nömrəsi	1
Karyerası
Gənclik karyerası 2009—2011 Torpedo Moskva 2011—2012 Stroqino Moskva 2012 Anji Mahaçqala Klub karyerası 2013—2014 Şahdağ 15 (0) 2014—2016 Sumqayıt 34 (0) 2016—2023 Qarabağ 80 (0) 2023—2024 Adana DS 25 (0) 2024—h.h Qarabağ 1 (0) Milli yığma 2014—2016 Azərbaycan U-21 11 (0) 2017 Azərbaycan U-23 5 (0) 2020—h.h Azərbaycan 29 (0)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 24 sentyabr 2024 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 24 sentyabr 2024 tarixində redaktə olunub.
Vikianbarda əlaqəli mediafayllar

Şahrudin Məhəmməd oğlu Məhəmmədəliyev (12 iyun 1994, Mahaçqala) — ləzgi əsilli azərbaycanlı futbolçu, Azərbaycan milli komandasının və "Qarabağ" futbol klubunun qapıçısı.

Şahrudin, 2009-cu ildə Moskvanın "Torpedo" klubunun uşaq komandasına qoşularaq futbol öyrənməyə başlayır.

2013-cü ildə Rusiya həvəskarlar liqasında oynayan "Strogino" klubuna qoşulur.

2013-cü ilin yayında futbolçu Azərbaycanın "Şahdağ Qusar" klubunda peyda olur.

2014-cü ilin yayında "Sumqayıt" klubuna dəvət edilir. Şahrudinin "Sumqayıt" klubunda debütu 8 fevral 2014-cü ildə "Şüvəlan" klubuna qarşı oyunda baş tutur.

16 yanvar 2016-cı il tarixində "Qarabağ" klubuyla müqavilə imzalayır. Klubdakı debütünü 6 fevral 2016-cı ildə Azərbaycan Premyer Liqasında "Xəzər-Lənkəran" ilə olan oyunda (3:0) baş tutur. 20 may 2019-cu ildə "Qarabağ FK" ilə yeni üç illik müqavilə imzalayır.

Avropadakı ilk oyunu 2019-cu ildə UEFA Avropa Liqasının qrup mərhələsində Lüksemburqun "F91 Düdelanj" komandasına qarşı oyunda baş tutur.

Məhəmmədəliyev 2023-2024 sezonunu Türkiyənin "Adana Dəmirspor" klubunda oynayıb. 2024-cü ilin 18 iyulunda o, "Qarabağ" ilə 2025-ci ilin yayına qədər müqavilə imzalayaraq yenidən kluba dönüb.