Şahzadə Aləmşah

Şahzadə Aləmşah
Dəfn edildiyi Cem Sultan türbəsinin interyeri - Muradiyə külliyəsi, Bursa
Şəxsi məlumatlar
Doğum tarixi	1477(1477)
Doğum yeri	Amasya sancaqbəyliyi, Osmanlı imperiyası
Vəfat tarixi	avqust 1503(1503-08) (25–26 yaşında)
Vəfat yeri	Manisa sancaqbəyliyi, Osmanlı imperiyası
Dəfn yeri	Cem Sultan türbəsi, Bursa
Atası	II Bəyazid
Anası	Gülrux Xatun
Həyat yoldaşı	Fərahşah Xatun
Uşaqları	Şahzadə Osmanşah Ayşə Sultan Fatma Sultan

Şahzadə Aləmşah (1477, Amasya ili – avqust 1503, Manisa ili) — 8-ci Osmanlı sultanı II Bəyazidin oğlu, Osmanlı şahzadəsi.

Şahzadə Aləmşah 1467-ci ildə Amasyada dünyaya gəldi. Atası Fateh Sultan Mehmedin oğlu və o illərdə Amasya sancaqbəyi olan Şahzadə Bəyazid, anası isə onun kənizlərindən Gülrux Xatundur. 1480-ci ildə babasının əmriylə İstanbula gətirilmiş, qardaşları Əhməd, Qorqud, Mahmud və Səlim, eləcə də əmisi Şahzadə Cemin oğlu Oğuz xanla birlikdə sünnət edilmişdir. 1490-cı ildə Mentəşə, 1502-ci ildə isə Manisa sanqcaqbəyliyinə təyin edildi. Bütün bu təyinatları boyunca anası Gülrux Xatun da onunla birlikdə vəzifə yerinə göndərilmişdir.

Gülrux Xatunun oğlunun Manisa sancaqbəyliyi dönəmində əri Sultan Bəyazidə ünvanladığı məktublar günümüzədək gəlib çatmışdır. Bu məktublarda oğluna artıq nəzarət edə bilməməsindən şikayətlənən Gülrux Xatun, oğlunun həddindən artıq alkoqollu içki içdiyini, yalnız paytaxtdan göndəriləcək bir lələnin şahzadəni nizam-intizama sala biləcəyini bildirir. Yenə Gülrux Xatunun Sultan Bəyazidə ünvanladığı 1510 tarixli məktubda oğlunun gənc yaşda vəfat etməsinin səbəbi olaraq onun içki aludəçiliyini göstərir.

Qeyd edildiyi üzrə Şahzadə Aləmşah 1503-cü ildə anidən vəfat etdi. Cənazəsi Bursadakı Muradiyə külliyəsinə gətirilərək Cem Sultan türbəsinə, əmiləri Şahzadə Mustafa və Cem Sultanın yanında dəfn edilmişdir.