Avey dağı

Avey dağı
Aveydağ mağarası
Ümumi məlumatlar
Dağ sistemi	Kiçik Qafqaz
Dağ silsiləsi	Kiçik Qafqaz
Mütləq hündürlüyü	992,5 m
Yerləşməsi
41°08′55″ şm. e. 45°13′16″ ş. u.HGYO
Ölkə	Azərbaycan
Rayon	Qazax rayonu
Avey dağı
Avey dağı

Avey dağı — Azərbaycanın Qazax rayonu ərazisində yerləşən Kiçik Qafqaz dağlarındakı zirvələrdən biri, ağ bozumtul dağ silsiləsidir.

Daş Salahlı kəndindən 12 km aralıdadır. Buralarda hələ paleolit dövrünə aid insan fəaliyyətinin izləri vardır. İbtidai görkəmli qayada çapılan məbədlər, 30-a qədər süni mağara aşkar edilmişdir. Dağın başında qədim alban məbədi vardır. Ermənistan-Azərbaycan müharibəsi dövründə zirvəsinə giriş məhdud olmuşdur.

Avey sözünün özü də təxmin etməyə imkan verir ki, albanların Ay məbədi burada olub. Toponim Ay evi kimi açıqlanır – Avey-Ayev. Ümumən türklərdə Aya sitayiş qədim dövrlərdən bəri geniş yayılmışdı. Qədim türklərdə "Ay Tənqri" (Ay Allahı) ifadəsi olub. Avey dağının özündə və ətrafında abidələr çoxdur. Azərbaycan SSR hökumətinin 22 fevral 1989-cı il tarixli qərarı ilə Avey dövlət tarix-mədəniyyət qoruğu yaradılmışdır.