Azərbaycan–Suriya münasibətləri

Azərbaycan-Suriya münasibətləri
Azərbaycan  Suriya
Digər
Quruluş tarixi	28 mart 1992
Dövriyyə	1,581 mln doll. (2024)
Vikianbarda əlaqəli mediafayllar

Azərbaycan–Suriya münasibətləri — Azərbaycan Respublikası ilə Suriya Ərəb Respublikası arasındakı mövcud ikitərəfli əlaqələr.

İki ölkə arasında diplomatik əlaqələr 1992-ci ilin mart ayının 28-də qurulmuşdur.

Suriya prezidenti Bəşər Əsəd sonuncu dəfə Azərbaycana 2009-cü il iyulun 8-də səfər edib. Əsədin səfəri Azərbaycan prezidenti İlham Əliyevin rəsmi dəvəti ilə baş tutub. Səfər zamanı Əsəd Milli Məclisdə də olub.

Azərbaycan 2025-ci ilin fevralında Suriyada səfirliyinin fəaliyyətinin bərpası istiqamətində işlər apardığını açıqlayıb. Bundan əvvəl, 2024-cü ilin dekabrında Suriyada hakimiyyət dəyişikliyi baş verdikdən sonra iki ölkə arasında münasibətlərin normallaşması prosesi başlanıb.

Fevralın 17-də Xarici İşlər Nazirliyi Azərbaycanın 13 ildən sonra Dəməşqdəki səfirliyinin fəaliyyətini bərpa etməsi barədə məlumat yayıb.

Bir müddət Azərbaycan Respublikasının Milli Məclisində Azərbaycan-Suriya parlamentlərarası əlaqələr üzrə işçi qrupu fəaliyyət göstərmişdir. Bu işçi qrupu 5 dekabr 2000-ci ildə yaradılmış və ilk rəhbəri Əli Abbasov olmuşdur.

2009-cu ilin iyulunda Suriya Prezidenti Bəşər Əsəd Azərbaycana səfəri zamanı Milli Məclisdə də olub. Parlamentdə Bəşər Əsədi Azərbaycan-Suriya dostluq qrupunun o zamankı rəhbəri, deputat Cavanşir Paşazadə və Milli Məclis Aparatının rəhbəri Səfa Mirzəyev qarşılamışdı.