Dəndənəkan döyüşü

Dəndənəkan döyüşü
Səlcuqlu – Qəznəvi müharibəsi
Dəndənəkanda Səlcuqlu – Qəznəvi toqquşmasını təsvir edən miniatür
Tarix	23 may 1041
Yeri	Dəndənəkan, Mərv yaxınlığı.
Nəticəsi	Səlcuqluların qələbəsi
Münaqişə tərəfləri
Qəznəvilər dövləti Səlcuqlular
Komandan(lar)
Sultan Məsud Qəznəvi Əli Daya Əhməd Şirazi Əbu Səhl Zəvzani Əbdürrəzaq Məymandi Bəydoğdu Subaşı Toğrul bəy Çağrı bəy Əbu Mənsur Fərəməz
Tərəflərin qüvvəsi
300.000 döyüşçü 1.000 döyüş fili 20.000 döyüşçü, başqa mənbəyə görə 16 000
İtkilər
100.000 8.000
Vikianbarda əlaqəli mediafayllar

Dəndənəkan döyüşü — 1040-cı il mayın 23-də Mərv yaxınlığında Dəndənəkan adlı yerdə Səlcuqlarla Qəznəvilər arasında baş verən savaş.

I Məsud 50 minlik qoşun, 300 döyüş fili ilə səlcuqlara qarşı çıxdı. Döyüş zamanı səlcuqlar geri çəkildilər. Əhali ağır vergilərə görə Qəznəvi döyüşçülərinə kömək etmədi. 1040-cı il mayın 23-də Mərv yaxınlığında Dəndənəkan adlı yerdə Səlcuqlarla Qəznəvilər arasında qanlı döyüş baş verdi. Səlcuq ordusu milli döyüş üsulundan istifadə edərək, qollara ayrıldı. Bir qol vuruşandan sonra geri çəkilir, onu başqası əvəz edirdi. Qəznəvi ordusunda vuruşan 300 oğuz türkü səlcuqların tərəfinə keçdi. Oğuzlar qalib gəldilər. Oğuz qəbilələrinin döyüşdən bir gün sonra çağrılmış qurultayında Toğrul bəy (1040–1063) sultan elan edildi.

Qəznəvi dövlətinin məğlub olmasının səbəbi daxili ziddiyyətlər, əhalinin narazılığı, türk qulamlarının səlcuqlara rəğbəti idi.

Səlcuqlar Mərv şəhərində keçirilən qurultayda qərb və şərq istiqamətlərində yeni torpaqlar tutmağı qərara aldılar. İran, Bizans, Cənubi Qafqaz, o cümlədən Azərbaycana yol açıldı. 1043-cü ildə paytaxt Nişapurdan Reyə köçürüldü. Səlcuqlar 1040–1054-cü illərdə hərbi yürüşləri nəticəsində Sistan, Bəlx, Xarəzm, Həmədan və Qərbi İranı ələ keçirdilər. Onlar 120 illik Buveyhilər dövlətinin varlığına son qoydular.

• Səlcuqlular
• Qəznəvilər dövləti
• Malazgird döyüşü