Hüseyn Məlikov

Hüseyn Məlikov
Hüseyn Aqil oğlu Məlikov
Ümumi məlumatlar
Doğum tarixi	31 iyul 1981 (45 yaş)
Doğum yeri	Şağan, Bakı şəhəri, Azərbaycan SSR
Vətəndaşlığı	SSRİ→ Azərbaycan
Milliyyəti	azərbaycanlı
Musiqiçi məlumatları
Fəaliyyəti	xanəndə, pedaqoq
Janr	Muğam
Musiqi aləti	qaval
Təhsili	Bakı İslam Universiteti Azərbaycan Dövlət Mədəniyyət və İncəsənət Universiteti
Mükafatları

Hüseyn Aqil oğlu Məlikov (31 iyul 1981, Şağan, Bakı, Azərbaycan SSR) — Azərbaycan xanəndəsi, pedaqoq, Beynəlxalq Muğam Mərkəzinin solisti.

Hüseyn Məlikov 31 iyul 1981-ci ildə Bakı şəhərinin Şağan qəsəbəsində anadan olmuşdur.

1987-ci ildə 124 nömrəli orta məktəbə daxil olmuş, 1998-ci ildə həmin məktəbi bitirmişdir. Elə həmin ildə Bakı İslam Universitetinə daxil olmuş, təhsilinin bir ilini Misirin Qahirə şəhərində davam etdirmişdir. 2003-cü ildə həmin ali təhsil müəssisəsini bitirmişdir.

2009-cu ildə Azərbaycan Dövlət Mədəniyyət və İncəsənət Universitetinə daxil olmuş, 2012-ci ildə həmin ali məktəbi də tamamlamışdır.

2012-ci ildən Hüseyn Məlikov 24 nömrəli Onbirillik Musiqi Məktəbində xanəndə müəllimi kimi fəaliyyət göstərir.

O, eyni zamanda Beynəlxalq Muğam Mərkəzinin solistidir. Repertuarı Azərbaycan muğamları və təsniflərindən ibarətdir. İfa etdiyi bir neçə muğam dəstgahının səs yazısı Azərbaycan Televiziyası və Radiosunun Fonduna daxildir.

Hüseyn Məlikov 4-cü Respublika Muğam Müsabiqəsinin laureatı olmuşdur.

O, Çin, Tacikistan, İsveç, Polşa, Türkiyə və digər ölkələrdə keçirilən konsert və festivallarda iştirak etmiş, Azərbaycan muğamını beynəlxalq səviyyədə təqdim etmişdir.

Ailəlidir. 2 uşağı var.

Xanəndə Hacı Aqil Məlikov atasıdır.