Heydər Piriyev

Heydər Piriyev
Heydər Piriyev
Azərbaycan Respublikası Müdafiə Nazirliyinin Milli Müdafiə Universitetinin rektoru
	iyun 2022 – 11 yanvar 2024
Əvvəlki	vəzifə təsis edilib
Sonrakı	Gündüz Əbdülov
Heydər Əliyev adına Azərbaycan Ali Hərbi Məktəbinin rəisi
	noyabr 2013 – mart 2022
	2002 – noyabr 2009
Şəxsi məlumatlar
Doğum tarixi	1 sentyabr 1959 (66 yaş)
Doğum yeri	Soyuqbulaq, Kalinino rayonu, Ermənistan SSR, SSRİ;
Təhsili	Fizika, Riyaziyyat və İnformatika Təmayüllü Lisey[d];
Hərbi xidmət
Mənsubiyyəti	Azərbaycan Ordusu
Qoşun növü	Quru Qoşunları
Döyüşlər	Birinci Qarabağ müharibəsi; İkinci Qarabağ müharibəsi
Rütbəsi	; General-leytenant
Təltifləri	;

Heydər Kamal oğlu Piriyev (1 sentyabr 1959, Soyuqbulaq, Kalinino rayonu) — Azərbaycan Silahlı Qüvvələrinin general-leytenantı, Milli Müdafiə Universitetinin sabiq rektoru, Birinci Qarabağ müharibəsi və İkinci Qarabağ müharibəsi iştirakçısı, "Azərbaycan Bayrağı" ordeni laureatı (2020).

Həyatı

Heydər Kamal oğlu Piriyev 1 sentyabr 1959-cu ildə Ermənistan SSR Kalinino rayonunun Soyuqbulaq kəndində anadan olub. 1974–1976-cı illərdə Bakı şəhərində 1 №-li fizika-riyaziyyat təmayüllü məktəbdə təhsil almışdır.

1998-ci ildə Silahlı Qüvvələrin Hərbi Akademiyasının məzunu olmuşdur.

Ailəsi

Ailəlidir, 1 oğlu var.

Hərbi xidməti

1976–1980-ci illərdə Bakı Ali Ümumqoşun Komandirlər Məktəbində təhsil alıb.

1980–1991-ci illərdə SSRİ Silahlı Qüvvələrinin tərkibində müxtəlif vəzifələrdə xidmət edib.

1991-ci ildən Azərbaycan Silahlı Qüvvələrində xidmət etmişdir. 1992–1994-cü illərdə Birinci Qarabağ müharibəsi iştirakçısı olmuşdur.

Azərbaycan Respublikasının Ümumilli lideri Heydər Əliyev tərəfindən 2003-cü ildə ona general-mayor rütbəsi verilmişdir.

2002–2009-cu illərdə Heydər Əliyev adına Azərbaycan Ali Hərbi Məktəbin rəisi, 2009–2013-cü illərdə Naxçıvan Muxtar Respublikasında Ordu Korpusunun qərargah rəisi vəzifələrində xidmət etmişdir.

2014-cü ilin iyun ayında Heydər Kamal oğlu Piriyevə Azərbaycan Respublikası Prezidentinin Sərəncamı ilə növbəti general-leytenant ali hərbi rütbəsi verilmiş və o, Azərbaycan Respublikası Silahlı Qüvvələrin Hərbi Akademiyasının rəisi təyin edilmişdir.

2022-ci ilin iyun ayında o, Azərbaycan Milli Müdafiə Universitetinin rektoru vəzifəsinə təyin edilmişdir.

11 yanvar 2024-cü ildə Milli Müdafiə Universitetinin rektoru vəzifəsindən azad edilərək, hərbi geyim formasını daşımaq hüququ verilməklə həqiqi hərbi xidmətdən ehtiyata buraxılmışdır.

Təltifləri

SSRİ

— "Qüsursuz xidmətə görə" medalı (2-ci dərəcə)
— "Qüsursuz xidmətə görə" medalı (3-cü dərəcə)
— "SSRİ Silahlı Qüvvələrinin 70 illiyi" yubiley medalı

Azərbaycan Respublikası

— "Vətən uğrunda" medalı
— "Hərbi xidmətlərə görə" medalı
— "Azərbaycan Respublikası Silahlı Qüvvələri Veteranı" medalı
— I dərəcəli "Qüsursuz xidmətə görə" medalı
— II dərəcəli "Qüsursuz xidmətə görə" medalı
— III dərəcəli "Qüsursuz xidmətə görə" medalı
— "Azərbaycan Respublikası Silahlı Qüvvələrinin 10 illiyi (1991–2001)" yubiley medalı
— "Azərbaycan Respublikası Silahlı Qüvvələrinin 90 illiyi (1918–2008)" yubiley medalı
— "Azərbaycan Respublikası Silahlı Qüvvələrinin 95 illiyi (1918–2013)" yubiley medalı
— "Azərbaycan Ordusunun 100 illiyi (1918–2018)" yubiley medalı
— III dərəcəli "Hərbi xidmətlərə görə" medalı
— "Azərbaycan Bayrağı" ordeni
— "Füzulinin azad olunmasına görə" medalı

Qırğızıstan Respublikası

— Böyük Vətən müharibəsinin 60 illiyi ilə əlaqədar yubiley medalı (Qırğızıstan Müdafiə Nazirliyi tərəfindən)