Katexçay şəlaləsi

Katex şəlaləsi — Balakən rayonu ərazisindəki Katexçay şəlaləsi Azərbaycanda ən məşhur şəlalə sayılır. Qeyd edək ki, bu şəlalə Zaqatala Dövlət Təbiət Qoruğunun ərazisinə daxildir. Şəlalənin hündürlüyü 20 metrə yaxındır. Bu, Azərbaycanın ən bolsulu şəlaləsidir. Şəlaləyə getmək üçün Katex kəndindən keçən sərt eniş-yoxuşlarla hərəkət etmək lazımdır. Katexçaya çatmaq üçün 500 metrlik çətin, dolanbaclı və uçurumlu yolu piyada qət etmək gərəkdir. Şəlalənin yerləşdiyi ərazini görənlər əsrarəngiz mənzərədən zövq ala bilirlər. Bura turistlərin ən çox üz tutduğu məkanlardan biridir. Mütəxəssislər bildirirlər ki, Katexçay şəlaləsinin təzyiqindən əldə edilə biləcək elektrik enerjisi, bəlkə də, bütöv bir rayonun işıqla təminatına bəs olar.

Balakən-Katex şəlaləsi
Ümumi məlumatlar
Çay	Katex çayı
Yerləşməsi
41°43′59″ şm. e. 46°36′40″ ş. u.HGYO
Ölkə	Azərbaycan
Rayon	Balakən rayonu
Şəhər	Balakən
Balakən-Katex şəlaləsi
Vikianbarda əlaqəli mediafayllar