Pərviz Şahbazov

Pərviz Şahbazov
Azərbaycan Respublikasının energetika naziri
Vəzifədədir
12 oktyabr 2017-ci ildən i. e. 14–16 fevral 2024
Prezident	İlham Əliyev
Baş nazir	Artur Rasi-zadə Novruz Məmmədov Əli Əsədov
Əvvəlki	Natiq Əliyev
Azərbaycanın Almaniyadakı fövqaladə və səlahiyyətli səfiri
9 avqust 2005 – 6 sentyabr 2016
Əvvəlki	Hüseynağa Sadıqov
Sonrakı	Ramin Həsənov
Şəxsi məlumatlar
Doğum tarixi	24 noyabr 1969(1969-11-24) (56 yaş)
Doğum yeri	Bakı, Azərbaycan SSR, SSRİ
Təhsili	Azərbaycan Dövlət Neft və Sənaye Universiteti
Fəaliyyəti	dövlət qulluqçusu
Atası	Oqtay Şahbazov
Vikianbarda əlaqəli mediafayllar

Pərviz Oqtay oğlu Şahbazov (24 noyabr 1969, Bakı) — dövlət xadimi, diplomat, Azərbaycan Respublikasının Energetika naziri.

Pərviz Oqtay oğlu Şahbazov 1969-cu il noyabrın 24-də Bakı şəhərində anadan olub. 1988–1989-cu illərdə hərbi xidmətdə olub.

1986–1992-ci illərdə Azərbaycan Dövlət Neft Akademiyasını bitirib. 1991-ci ildən diplomatik xidmətə qəbul olunub. İngilis, alman və rus dillərini bilir.

• 1991–1992-ci illərdə Xarici İşlər Nazirliyinin Beynəlxalq iqtisadi münasibətlər şöbəsində ikinci katib,
• 1992–1996-cı illərdə Azərbaycanın Almaniyadakı səfirliyində çalışıb. 1996–1997-ci illərdə Xarici İşlər Nazirliyində ikinci katib,
• 1997–1998-ci illərdə birinci katib,
• 1998–2001-ci illərdə Xarici İşlər Nazirliyində bir sıra vəzifələrdə işləyib.
• 1998–2001-ci illərdə Azərbaycan Respublikasının Avstriyadakı səfirliyində müşavir olub.
• 2005-ci ildə ATƏT-in Təhlükəsizlik Əməkdaşlıq Forumunun sədri olub.
• 2005-ci ilin avqust ayından 2016-cı ilin sentyabrına qədər Azərbaycanın Almaniyadakı fövqaladə və səlahiyyətli səfiri olmuşdur.
• 12 oktyabr 2017-ci ildə Azərbaycan Respublikasının energetika naziri təyin edilib.

Ailəlidir, iki övladı var. Azərbaycan Respublikası Prezidentinin Administrasiyasının İşlər sabiq müdiri Oqtay Şahbazovun oğludur.