Region Liqası

Ölkə	Azərbaycan
Açılış ili	2017
İlk sezon	2017/18
Komandaların sayı	67
Liqalar sistemində səviyyə	4
Yuxarı liqa	Azərbaycan İkinci Liqası
Son çempion	Xankəndi (2024/25)
Ən uğurlu komanda	Uğur (2 dəfə)
Veb səhifəsi	www.affa.az
2025/26

Azərbaycan Region Liqası — Azərbaycanın həvəskar futbol klublarının çıxış etdiyi ən yüksək təbəqə.

Region Liqasının 2024/25 mövsümünün final matçında "Xankəndi" və "Şirvan" komandaları qarşılaşmış, "Xankəndi" rəqibini 3:0 hesabı ilə məğlub edərək çempion olmuş və İkinci Liqaya vəsiqə əldə etmişdir. Turniri ikinci pillədə tamamlayan "Şirvan" isə növbəti mövsümdə İkinci Liqaya vəsiqə əldə etmək uğrunda sonuncu mövsümü 13-cü yerdə tamamlamış "Lerik" komandası ilə pley-off matçına çıxıb. 29 may saat 16:00-da ASCO Arenada keçirilmiş matçda "Şirvan" "Lerik" üzərində 3–2 hesablı qələbə qazanaraq 2025/26 mösümündə İkinci Liqada oynamaq hüququ əldə edib, "Lerik" isə Region Liqasına düşüb.

Region Liqasının keçirilməsini və nəzarəti AFFA-nın işçi qrupu (Regional Futbol Federasiyaları İctimai Birliyi, Məşqçilər Komitəsi, Kütləvi Futbol Departamenti, Uşaq və Gənclər üzrə Yarışların təşkili şöbəsi) həyata keçirir.

Region Liqasının qalibi UEFA Region Kubokunda Azərbaycanı təmsil edir. Liqada ilk üç yeri tutan komandaların futbolçuları və baş məşqçiləri medallarla, AFFA-nın diplomları və pul mükafatı ilə təltif olunur. Birinci yerin sahibi 10.000 AZN, ikinci yer 5.000 AZN, üçüncü yer isə 2.000 AZN məbləğində pul mükafatı alır. Mövsümün sonunda liqanın ən məhsuldar oyunçusu və ən yaxşı futbolçusu seçilir və hədiyyələrlə mükafatlandırılır.

2025/26 mövsümündə mübarizə aparacaq klublar aşağıdakı kimidir: