Sergey Yutkeviç

Sergey Yutkeviç
rus. Сергей Иосифович Юткевич
Doğum tarixi	15 (28) dekabr 1904(1904-12-28)
Doğum yeri	Sankt-Peterburq, Rusiya imperiyası
Vəfat tarixi	23 aprel 1985(1985-04-23) (80 yaşında)
Vəfat yeri	Moskva, RSFSR, SSRİ
Dəfn yeri	Novodeviçye qəbiristanlığı
Fəaliyyəti	kinorejissor, ssenarist, aktyor, professor, teatr rejissoru, səhnəqraf, rəssam, teatr pedaqoqu[d]
Fəaliyyət illəri	1925–1980
Təhsili	Vxutemas[d]
İstiqamət	sosialist realizmi
Üzvlüyü	SSRİ Yazıçılar İttifaqı, SSRİ Kinematoqrafçılar İttifaqı, SSRİ XDİK Mahnı və Rəqs Ansamblı[d]
Mükafatları
IMDb	ID0951170
Vikianbarda əlaqəli mediafayllar

Sergey İosifoviç Yutkeviç (rus. Сергей Иосифович Юткевич; 15 (28) dekabr 1904, Sankt-Peterburq – 23 aprel 1985, Moskva) — Sovet kinorejissoru və ssenaristi.

Sergey İosifoviç Yutkeviç 28 dekabr 1904-cü ildə Sankt-Peterburqda anadan olmuşdur. 1921–1923-cü illərdə o, V.E. Meyerholdun kursunda təhsil almışdır. 1938-ci ildə "Tüfəngli adam" işinə quruluş verir. Rejissor eləcə də Lenin mövzusuna xüsusilə diqqət yetirirdi. Onun yaradıcılığında əsas yer tutan bu mövzu əsasında Yutkeviç "Lenin haqqında hekayələr" (1957), "Lenin Polşada" (1966), "Lenin Parisdə" (1981) filmlərini çəkmişdir. Onun dünya kinematoqrafiyasına bəxş etdiyi ən böyük miqyaslı və ən möhtəşəm ekran əsəri isə Vilyam Şekspirin "Otello" faciəsi əsasında yaratdığı eyniadlı film olmuşdur. Həmin filmin uğurunun bir hissəsini də baş rolu məharətlə canlandırmış Sergey Bondarçuku hesab etmək olar. 1955-ci ildə ekranlara çıxmış "Otello" filmi Sergey Yutkeviç yaradıcılığında ən çox tamaşaçı auditoriyası toplamış film idi. Bu film 1956-cı ildə Kann kinofestivalında iştirak etmiş və Ən yaxşı rejissor işinə görə mükafat almışdır.

Sergey Yutkeviç ÜDKİ-də dərs demişdir. Onun tələbələri sırasında Azərbaycanın görkəmli kinorejissorları Tofiq Tağızadə və Əjdər İbrahimovun da adlarını çəkmək olar.

Sergey İosifoviç Yutkeviç 23 aprel 1985-ci ildə vəfat etmişdir.