Sevindik Hətəmov
Hacıqabul Rayon İcra Hakimiyyətinin başçısı
Vəzifədədir
17 sentyabr 2024-cü ildən
Əvvəlki	Rüstəm Xəlilov
Salyan Rayon İcra Hakimiyyətinin başçısı
04 mart 2016 – 17 sentyabr 2024
Əvvəlki	Tahir Kərimov
Yardımlı Rayon İcra Hakimiyyətinin başçısı
10 aprel 2012 – 04 mart 2016
Əvvəlki	Ayaz Əsgərov
Şəxsi məlumatlar
Doğum adı	Sevindik Hacıağa oğlu Hətəmov
Doğum tarixi	7 aprel 1963(1963-04-07) (63 yaş)
Doğum yeri	Güləbird, Laçın rayonu, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Texniki Universiteti
Fəaliyyəti	siyasətçi
Təltifləri

Hətəmov Sevindik Hacıağa oğlu (7 aprel 1963, Güləbird, Laçın rayonu) — Hacıqabul Rayon İcra Hakimiyyətinin başçısı.

7 aprel 1963-cü ildə Laçın rayonunun Güləbird kəndində anadan olmuşdur.

1980-ci ildə Güləbird kənd orta məktəbini bitirmişdir.

1981–1986-cı illərdə Azərbaycan Politexnik İnstitutunun Mühəndis-mexanik fakültəsində ali təhsil almışdır.

1987-ci ildə Laçın rayon Texniki Təchizat Bazasında mühəndis, 1987–1989-cu illərdə Laçın rayon Texniki Təchizat Bazasında böyük mühəndis, 1989–1990-cı illərdə Laçın rayon Maddi-Texniki Təchizat və Mexanikləşdirmə İstehsalat Birliyində mühəndis, 1990–1997-ci illərdə Laçın rayon Təsərrüfathesablı Tikinti Quraşdırma Sahəsində rəis, 1995–1999-cu illərdə "Güzdək" Tikinti Materialları Kombinatında direktor, 1999–2005-ci illərdə "Güzdək-Günay" firmasında direktor vəzifəsində işləyib.

2005–2010-cu illərdə Üçüncü çağırış Azərbaycan Respublikası Milli Məclisinə keçirilmiş seçkilərdə iştirak etmiş və səs çoxluğu ilə Milli Məclisin deputatı seçilmişdir.

Deputatlıq fəaliyyətini başa vurduqdan sonra Yeni Azərbaycan Partiyası Laçın rayon təşkilatının sədri kimi fəaliyyət göstərmişdir.

2012-ci ildə Azərbaycan Respublikası Prezidenti Administrasiyasının Regional idarəetmə və yerli özünüidarəetmə orqanları ilə iş şöbəsində baş məsləhətçi vəzifəsində işləmişdir.

Azərbaycan Respublikası Prezidentinin 10 aprel 2012-ci il tarixli Sərəncamı ilə Yardımlı Rayon İcra Hakimiyyətinin başçısı;

Azərbaycan Respublikası Prezidentinin 4 mart 2016-cı il tarixli Sərəncamı ilə Salyan Rayon İcra Hakimiyyətinin başçısı;

Azərbaycan Respublikası Prezidentinin 17 sentyabr 2024-cü il tarixli Sərəncamı ilə Hacıqabul Rayon İcra Hakimiyyətinin başçısı vəzifəsinə təyin olunmuşdur.

Ailəlidir, 2 övladı vardır.

"Heydər Əliyevin 100 illiyi (1923–2023)" yubiley medalı