Vüsal Sultanov

Vüsal Sultanov
Vüsal Sultanov
Şəxsi məlumatlar
Doğum yeri	Şabran, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Sərhəd Qoşunları ; Çevik Hərəkat Dəstəsi
Rütbəsi	; General-mayor
Vəzifəsi	Azərbaycan Dövlət Sərhəd Xidməti Qubadlı Əlahiddə Sərhəd Divizyasının komandiri
Döyüşlər	Aprel döyüşləri; Tovuz döyüşləri; İkinci Qarabağ müharibəsi
Təltifləri
	;

Vüsal Eynulla oğlu Sultanov (Şabran rayonu, Azərbaycan SSR) — Azərbaycan Silahlı Qüvvələrinin general-mayoru, Azərbaycan Dövlət Sərhəd Xidməti Qubadlı Əlahiddə Sərhəd Divizyasının komandiri, İkinci Qarabağ müharibəsi iştirakçısı, Vətən Müharibəsi Qəhrəmanı.

Həyatı

Vüsal Sultanov Şabran rayonunda anadan olub. Azərbaycan Silahlı Qüvvələrinin general-mayorudur. 27 sentyabr 2020-ci ildə başlanan Vətən müharibəsinin iştirakçısıdır. 9 dekabr 2020-ci ildə göstərdiyi şücaətə görə "Vətən Müharibəsi Qəhrəmanı" medalı, 24 dekabr 2020-ci ildə isə "Cəbrayılın azad olunmasına görə" medalı ilə təltif edilib.

Vüsal Sultanov Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin ərazilərində Azərbaycan bayrağının ucaldılması barədə Prezidentə məruzə etmişdir.

Vətən müharibəsində iştirakı

Vüsal Sultanov Vətən müharibəsinin ən çətin 5 döyüşündən biri olan Əmirvarlı döyüşlərinə rəhbərlik edib. Polkovnik Sultanov oktyabr ayının 8-dən başlayaraq Əmirvarlı səddinin yarılması üçün gedən əməliyyatlarda iştirak edib. Ermənistan ordusunun müdafiə xəttinin birinci, ikinci eşalonundan geri çəkilmiş qüvvələri son ümid kimi bu səddə cəmləşdiyindən səddi yarmaq çətin olmuşdur. DSX-nin Çevik Hərəkat Bölmələri Əmirvarlıda 8 gün fasiləsiz döyüşlər aparmışdır. Son döyüşündə ağır yaralanan Vüsal Sultanov daha sonra xidmətini DSX -nin Çevik Hərəkat Dəstəsinin komandanının müavini kimi davam etdirir. DSX-nin Baş Qərərgahının Dövlət Sərhəd Mühafizəsi Baş İdarəsinin sabiq rəisi olmuş hal hazırda Qubadlı əlahiddə sərhəd diviziyasının komandiri vəzifəsinni yerinə yetirir.

Təltifləri

(18 avqust 2013) — "Hərbi xidmətlərə görə" medalı
(16 avqust 2016) — "İgidliyə görə" medalı
(16 avqust 2019) — 3-cü dərəcəli "Vətənə xidmətə görə" ordeni
(9 fevral 2020) — "Vətən Müharibəsi Qəhrəmanı" medalı
(24 dekabr 2020) — "Cəbrayılın azad olunmasına görə" medalı
(2 fevral 2024) — "Heydər Əliyevin 100 illiyi (1923–2023)" yubiley medalı