Zaur Zeynalabdul oğlu Rüstəmov (1975, Kürdmaşı, İsmayıllı rayonu) — Azərbaycan hərbçisi, general-mayor (2022), Azərbaycan Respublikası Müdafiə Nazirliyinin Hərbi Hava Qüvvələri komandanının müavini — Hava Döyüş komandiri (2024-cü ildən).
| Zaur Rüstəmov | |
|---|---|
  | |
Vəzifədədir | |
| 7 noyabr 2024-cü ildən | |
| Əvvəlki | Namiq İslamzadə |
| Şəxsi məlumatlar | |
| Doğum tarixi | 1975 (50–51 yaş) |
| Doğum yeri |
|
| Təhsili | Türkiyə Hərbi Hava Qüvvələri Akademiyası (1992–1996), Cəmşid Naxçıvanski adına hərbi lisey (1989–1992) |
| Fəaliyyəti | pilot |
| Hərbi xidmət | |
| Xidmət illəri | 1996-cı ildən |
| Mənsubiyyəti |  Azərbaycan Ordusu |
| Qoşun növü | Hərbi Hava Qüvvələri |
| Döyüşlər | Aprel döyüşləri İkinci Qarabağ müharibəsi |
| Rütbəsi |  General-mayor |
| | |
| Təltifləri |               |
Həyatı
Zaur Zeynalabdul oğlu Rüstəmov 1975-ci ildə İsmayıllı rayonunun Kürdmaşı kəndində müəllim ailəsində dünyaya göz açmışdır. Əvvəlcə İsmayıllı rayonunun Kürdmaşı orta məktəbində, ardınca Cəmşid Naxçıvanski adına hərbi liseydə təhsil almışdır. Hərbi liseydən sonra, 1992-ci ildə dövlətimiz tərəfindən Türkiyə Respublikasına hərbi təhsil almaq üçün göndərilmişdir. 1996-cı ildə Azərbaycanın ilk milli hərbi təyyarəçilərindən biri olaraq vətənə qayıtmış Azərbaycan Respublikası Silahlı qüvvələrinində xidmətə davam etmişdir. O, əsasən Su-24 və Miq-29 çoxməqsədli qırıcı təyyarələri ilə uçuşlar həyatə keçirib.Hazırda Azərbaycan Hərbi Hava Qüvvələrinin general-mayoru olan Zaur Rüstəmov xidməti dövründə dövlətimiz tərəfindən dəfələrlə mükafatlandırılmışdır. Azərbaycan Ordusunun 100 illiyinə həsr olunmuş paradda və 8 noyabr Zəfər paradında paraddan keçən təyyarəçilərə öndərlik etmişdir. Azərbaycan Ordusunun və Bakı şəhərinin azad edilməsinin 100 illiyinə həsr olunmuş paradlarda MiQ-29 tipli çoxməqsədli qırıcı təyyarə ilə tək şəkildə nümayiş etdirdiyi yüksək manevr fiqurları hər kəsin diqqətini cəlb edib.
Z. Rüstəmov 2022-ci ilin may ayında Bakıda keçirilən "Teknofest" festivalında iştirak üçün Azərbaycana gələn "Baykar Texnologiya"nın rəhbəri Selçuk Bayraktar ilə birlikdə Azarbaycan Hərbi Hava Qüvvələrinə məxsus MiG-29 qırıcı təyyarəsi ilə uçuş edib. Belə ki, S. Bayraktarı uçuş zamanı pilot polkovnik Zaur Rüstəmov müşayiət edib.
25 iyun 2022-ci ildə Azərbaycan Respublikası Prezidentinin Sərəncamı ilə Zaur Rüstəmova general-mayor ali hərbi rütbəsi verilmişdir.
7 noyabr 2024-cü ildə Azərbaycan Respublikası Prezidentinin Sərəncamı ilə Azərbaycan Respublikası Müdafiə Nazirliyinin Hərbi Hava Qüvvələri komandanının müavini — Hava Döyüş komandiri vəzifəsinə təyin olunmuşdur.
İngilis,rus,türk dillərini bilir.
Təltif və mükafatları
- "Qarabağ" ordeni — 9 dekabr 2020
- 3-cü dərəcəli "Vətənə xidmətə görə" ordeni — 25 iyun 2025
- "Vətən uğrunda" medalı — 25 iyun 2018
- "Cəbrayılın azad olunmasına görə" medalı — 24 dekabr 2020
- "Füzulinin azad olunmasına görə" medalı — 25 dekabr 2020
- "Ağdamın azad olunmasına görə" medalı — 29 dekabr 2020
- 2-ci dərəcəli "Hərbi xidmətdə fərqlənməyə görə" medalı
- 3-cü dərəcəli "Hərbi xidmətdə fərqlənməyə görə" medalı
- 1-ci dərəcəli "Qüsursuz xidmətə görə" medalı
- 2-ci dərəcəli "Qüsursuz xidmətə görə" medalı
- 3-cü dərəcəli "Qüsursuz xidmətə görə" medalı
- "Azərbaycan Silahlı Qüvvələri Veteranı" medalı
- "Azərbaycan Respublikası Silahlı Qüvvələrinin 10 illiyi (1991–2001)" yubiley medalı
- "Azərbaycan Respublikası Silahlı Qüvvələrinin 90 illiyi (1918–2008)" yubiley medalı
- "Azərbaycan Respublikası Silahlı Qüvvələrinin 95 illiyi (1918–2013)" yubiley medalı
- "Azərbaycan Ordusunun 100 illiyi" yubiley medalı