Bulud Qaraçorlu

Bulud Qaraçorlu
Bulud Qaraçorlu
Doğum tarixi	1926
Doğum yeri	Marağa
Vəfat tarixi	10 aprel 1979 (52–53 yaşında)
Vəfat yeri	Tehran, Tehran şəhristanı, Tehran ostanı, İran;
Vətəndaşlığı	İran
Fəaliyyəti	şair, ədib

Bulud Qaraçorlu Səhənd (1926, Marağa, Şərqi Azərbaycan ostanı – 1979, Tehran) — Azərbaycanlı şair.

Həyatı

Bulud Qaraçorlu Səhənd 1926-cı ildə Marağada anadan olub.

İlk təhsilini Marağa və Təbrizdə alan Bulud 17 yaşında ikən Razi, az müddət keçdikdən sonra isə Səhənd təxəllüsü ilə şeirlər yazmağa başlayır.

Səhəndin gənclik illəri İranda Azərbaycan xalqının milli istiqlaliyyəti uğrunda apardığı çətin mübarizə dövrünə – 40-cı illərdən başlayan milli-azadlıq hərəkatına təsadüf edir.

O, milli hərəkatda fəal iştirak edirdi. AMH dövründə Marağada yaşayıb. 1945-ci ildə Pişəvərinin rəhbərliyi ilə Güney Azərbaycan Milli Hökumətinin qurulması, ölkədə aparılan misli görünməyən mütərəqqi islahatlar onda böyük ruh yüksəkliyi yaradır. Azərbaycan Demokrat Gənclər Təşkilatının üzvü olub. Səhənd həmin illərdə sevinc və iftixardan doğan şeirlər yazırdı. Lakin vətənin azadlığı uzun sürmədi.

Lirik şerlər yazan şair arzu, istək və ağrılarını xalqa çatdırmaq üçün "Dədə Qorqud" dastanlarına üz tutur. Xalq yaradıcılığından yararlanıb məşhur "Sazımın sözü" əsərini yazır.

Azərbaycan Milli Hökuməti dağıldıqdan sonra Dəfələrlə həbs olunub.

Səhənd 1979-cu ildə vəfat edib.

Əsərləri

Bulud Qaraçurlu Səhənd. "Dədəmin kitabı". Stokholm, 2006.
Səhənd. Seçilmiş əsərləri. Bakı, "Şərq-Qərb", 2006, 280 səh. ISBN 978-9952-34-033-8

"Sazimin Sözü" əsəri
Araz poeması
Xatirə Poeması

Həmçinin bax

Qaraçorlu

Ədəbiyyat

Pərvanə Məmmədli. "Türkçülük avazı ilə yazıb yaradan şair".
Ruqiyyə Qənbərqızı. Ön söz. Səhənd. Seçilmiş əsərləri. Bakı, "Şərq-Qərb", 2006, səh. 4–14. ISBN 978-9952-34-033-8
Süleymanoğlu Fikrət. Səhənd: mühiti, həyatı və yaradıcılığı (monoqrafiya). Bakı: Nurlar NPO, – 2017. – 176 s.
Səhənd Dunyasi-Xəzər Dərgisi – Yaz - 1381-2002-Ebced- 50s
Atalarsözü Danışır - Bulut Qaraçorlu - Sehend - Memmedali Farzane -1350-7
Sehend Sözlüğ-Bulut Qaraçorlu Yapıtlarında Söz Varlığı - Hasan Umudoğlu – Ebced – Turuz - Tebriz-2012 -8
Tudə, Əli. Əli Tudə: Həyatım xatirələrim (PDF) (az.). XIX. Bakı: Azərbaycan Nəşriyyatı. 2021. səh. 320.
XX əsr Cənubi Azərbaycan ədəbiyyatında demokratik ideyalar (1900-1985). Məqalələr məcmuəsi (az.). Bakı: Azərbaycan SSR EA Nizami adına Ədəbiyyat və Dil İnstitutu. 1990. səh. 216.
Cənubi Azərbaycan Ədəbiyyatı tarixi (az.). II. Bakı: Qanun nəşriyyatı. 2013. səh. 148.
Əhməd, Vüqar; Rzayeva, Dilbər. Cənubi Azərbaycan şeiri antologiyası (XIX-XXI əsrlər) (az.). Bakı: Ecoprint. 2018. səh. 672.