Google AI

Google AI — "Google"un süni intellektə həsr olunmuş bölməsi. Bu barədə CEO Sundar Piçay 2017-ci ildə keçirilən "Google I/O"da açıqlama vermişdir.

Bu bölmə Sürix, Paris, İsrail və Pekin kimi dünyanın müxtəlif yerlərində tədqiqat obyektləri ilə genişlənmişdir. 2023-cü ildə "Google AI" yenidən təşkiletmə təşəbbüsünün bir hissəsi olmuş, bu zaman onun rəhbəri Cef Dini "Google"da baş alim vəzifəsinə qaldırılmışdır. Bu yenidənqurma "Google Brain" və "Google"un 2014-cü ildə aldığı və şirkətin əsas tədqiqatından ayrı fəaliyyət göstərən, Birləşmiş Krallıqda yerləşən "DeepMind"in birləşməsini əhatə edirdi. "Google" artıq süni intellekt mərkəzi olduğu üçün süni intellekt daha çox yayıldıqca bu bölmənin dəyər və performans olaraq artacağı proqnozlaşdırılır.

• "Google Brain": müxtəlif "Google" xidmətlərini təkmilləşdirmək üçün maşın öyrənməsi ilə süni intellekti inkişaf etdirən böyük törəmə müəssisə (məsələn, "Google Translate"də daha yaxşı tərcümə keyfiyyəti)
• "Bard": PaLM modelinə əsaslanan çatbot.
• "Google Assistant": 2023-cü ildən "Google AI" tərəfindən hazırlanmış virtual köməkçi proqram tətbiqi.
• Maşın öyrənmə proqramını inkişaf etdirmək üçün bulud əsaslı TPU-lara xidmət göstərir. TPU tədqiqat buludu açıq mənbəli maşın öyrənmə tədqiqatları ilə məşğul olan tədqiqatçılara bulud TPU-larının çoxluğuna pulsuz girişi təmin edir.
• "TensorFlow": maşın öyrənmə proqram kitabxanası.
• "Magenta": maşın öyrənməsinin yaradıcılıq prosesində bir vasitə kimi rolunu araşdıran dərin öyrənmə tədqiqat qrupu. Komanda rəssamlara və musiqiçilərə süni intellektdən istifadə edərək proseslərini genişləndirməyə imkan verən bir çox açıq mənbəli layihələr buraxmışdır. "Magenta"dan istifadə edərək musiqiçilər və bəstəkarlar daha aşağı qiymətə yüksək keyfiyyətli musiqi yarada bilər, bu da yeni sənətçilərin sənayeyə girməsini asanlaşdırır.
• "Sycamore": yeni 54 kubitlik proqramlaşdırıla bilən kvant prosessoru.
• "LaMDA": danışıq sinir dili modelləri ailəsi.
• Az təmsil olunan dillər üçün azad nitq resurslarının inkişafına artan ehtiyacı qarşılamaq üçün nəzərdə tutulmuş proqram.