Havva Məmmədova

Havva Məmmədova
Havva Məmmədova
Azərbaycan Respublikasının Milli Məclisi III çağırış deputatı
	2005 – 2010
Seçki dairəsi	2005 — 122 saylı Xankəndi
Əvvəlki	Seçkilər keçirilməyib.
Sonrakı	Flora Qasımova
Şəxsi məlumatlar
Doğum adı	Həvva İsa qızı Məmmədova
Doğum tarixi	15 may 1958 (68 yaş)
Doğum yeri	Xanərəb, Bərdə rayonu, Azərbaycan SSR, SSRİ;
Təhsili	Azərbaycan Respublikasının Prezidenti yanında Dövlət İdarəçilik Akademiyası;
Fəaliyyəti	tarixçi, siyasətçi
Elmi fəaliyyəti
Elmi dərəcəsi	tarix elmləri doktoru;

Həvva İsa qızı Məmmədova (15 may 1958, Xanərəb, Bərdə rayonu) — tarixçi və ictimai-siyasi xadim, tarix elmləri doktoru, professor, Azərbaycan Respublikasının Milli Məclisi III çağırış deputatı.

Həyatı

1958-ci il mayın 15-də Bərdə rayonunun Xanərəb kəndində anadan olmuşdur.Xankəndi Pedaqoji İnstitutunun tarix fakültəsini və Bakı Sosial İdarəetmə və Politologiya İnstitutunu bitirmişdir.

1980–1990-cı illərdə Xankəndi şəhərində orta məktəbdə müəllim işləmişdir. 1993-cü ildən Bakı Sosial İdarəetmə və Politologiya İnstitutunda baş laborant, baş müəllim, metodist vəzifələrində çalışmışdır. 1999-cu ildən Azərbaycan Respublikasının Prezidenti yanında Dövlət İdarəçilik Akademiyasının Tarix kafedrasının müəllimidir.

2001-ci ildə "Azərbaycan Demokratik Respublikası dövründə Qarabağın Dağlıq hissəsində erməni separatizminə qarşı mübarizə" mövzusunda dissertasiya müdafiə edərək tarix elmləri namizədi elmi dərəcəsi almışdır.

2011-ci ildə "Ermənistan-Azərbaycan, Dağlıq Qarabağ münaqişəsi Azərbaycan Respublikasının xarici siyasətində" mövzusunda doktorluq dissertasiyası müdafiə edərək tarix elmləri doktoru elmi dərəcəsi almışdır.

6 kitabın və 40 elmi məqalənin müəllifidir.

Ailəsi

Evlidir, 3 övladı var.

İctimai-siyasi fəaliyyəti

Dünya Azərbaycanlıları Konqresi Qadınlar Şurasının sədridir. Rus dilini bilir.

Milli Məclisin İnsan hüquqları komitəsinin üzvü olmuşdur. Azərbaycan-Danimarka, Azərbaycan-İsveç, Azərbaycan-Özbəkistan parlamentlərarası əlaqələr üzrə işçi qruplarının üzvü olmuşdur.

Kitabları

Qarabağ general-qubernatorluğunun erməni təcavüzünə qarşı mübarizəsi tarixindən səhifələr. Bakı: Şirvannəşr, 1999, 76 s.
Xocalı: şəhidlər, şahidlər. Bakı: Yeni Nəşrlər Evi, 2003, 200 s.
Azərbaycan Xalq Cümhuriyyəti dövründə Yuxarı Qarabağda siyasi vəziyyət: Erməni terrorizminin güclənməsi (1918-1920). Bakı: Nağıl Evi, 2006, 149 s.

Azərbaycan Respublikasının xarici siyasətində Ermənistan-Azərbaycan Dağlıq Qarabağ münaqişəsi. Bakı: Elm, 2009, 360 s.

Filmoqrafiya

"Dağlıq Qarabağ: həqiqətlər, yalanlar…"