Tisian Veçellio

Tisian Veçellio
it. Tiziano Vecellio
Doğum tarixi	təq. 1490(1490)
Doğum yeri	Belluno əyaləti[d], Veneto, İtaliya
Vəfat tarixi	27 avqust 1576(1576-08-27) (85–86 yaşında)
Vəfat yeri	Venesiya, Venesiya Respublikası
Vəfat səbəbi	taun
Dəfn yeri	Venesiya
Fəaliyyəti	rəssam, memarlıq çertyojçusu[d], rəssam-qravürçü[d]
Janrlar	portret rəssamlığı[d], dini rəssamlıq[d], mifologiya rəssamlığı, nü, tarix rəssamlığı, portret
Stillər	Yüksək İntibah
Tanınmış işləri	Urbinolu Venera
Tələbələri	Tintoretto, Simone Petersano
Mükafatları
Vikianbarda əlaqəli mediafayllar

Tisian Veçellio (it. Tiziano Vecellio; təq. 1490, Belluno əyaləti^[d], Veneto – 27 avqust 1576, Venesiya) — İtalyan rəssam, XVI əsr Venesiya rəssamlıq məktəbinin ən görkəmli nümayəndələrindən biri. Belluno yaxınlığında, Pyeve-di-Kadoredə (Venesiya respublikası) doğulmuşdur. Doğulduğu yerlə əlaqədar olaraq yaşamı boyunca tez-tez da Kadore deyə də xatırlanır.

Müasirləri tərəfindən "Kiçik Ulduzlar arasında Günəş" ("The Sun Amidst Small Stars") (Dantenin "Cənnət"indən sonuncu misra) kimi adlanan Tisian universal İtalyan rəssamlarından biri olmuşdur. Məharətli rəssam çoxsaylı portretlərin, təbiət mənzərələrinin, mifik və dini mövzulu əsərlərin müəllifidir. Onun rəssamlıq metodikası, xüsusilə rənglərin istifadəsi nəinki İtalyan Renessans rəssamlarına, həmçinin qərb incəsənətinin görkəmli nümayəndələrinə də öz əsaslı təsirini göstərə bilmişdir.

Yaşadığı müddətcə rəssamlıq tərzində çox dəyişkənlik müşahidə olunsa da rənglərə olan marağını qorumuşdur. Baxmayaraq ki, onun püxtələşmiş işləri erkən dövrlərdəki kimi açıq, işıqlı tonlu işlərinə bənzəməsə də sərbəst fırça toxunuşu və zəriflik çalarları qərb rəssamlıq tarixi nümunələrində rastlanılmır.