Elgin Həbibullayev

Elgin Həbibullayev
Elgin Şirin oğlu Həbibullayev
Bakı Şəhər Nərimanov Rayon İcra Hakimiyyətinin başçısı
Vəzifədədir
18 fevral 2022-ci ildən
Əvvəlki	Abdin Fərzəliyev
Bakı Şəhər İcra Hakimiyyəti başçısı Aparatının rəhbəri
2015 – 2022
Sumqayıt Şəhər İcra Hakimiyyəti başçısının müavini
2012 – 2015
Sonrakı	Teymur Səmədov
Şəxsi məlumatlar
Doğum tarixi	7 aprel 1977 (49 yaş)
Doğum yeri	Bakı
Təltifləri	2019 "Dövlət qulluğunda fərqlənməyə görə" medalı (2019)

Elgin Şirin oğlu Həbibullayev — Bakı şəhəri Nərimanov Rayon İcra Hakimiyyətinin başçısı (2022-ci il).

Elgin Şirin oğlu Həbibullayev 7 aprel 1977-ci ildə Bakı şəhərində anadan olmuşdur. Azərbaycan Dövlət İqtisad Universitetinin Maliyyə kredit fakültəsini fərqlənmə diplomu ilə bitirmişdir.

Harvard Biznes Məktəbinin idarəetmə kurslarını bitirmişdir.

2000-2011-ci illərdə İcra Hakimiyyəti strukturlarında Ümumi şöbənin müdiri, Mənzillərin uçotu və bölüşdürülməsi şöbəsinin müdiri, Layihə smeta bürosunun rəisi və İcra Hakimiyyəti başçısının köməkçisi vəzifələrində çalışmışdır.

2012–2015-ci illərdə Sumqayıt Şəhər İcra Hakimiyyəti başçısının müavini vəzifəsində çalışmışdır.

2018–2022-ci illərdə Bakı Şəhər İcra Hakimiyyəti başçısı Aparatının rəhbəri vəzifəsində çalışmışdır.

Vətən müharibəsində qazanılan böyük Zəfərə həsr olunmuş “Fenomen” kitabının ideya müəllifidir.

Yeni Azərbaycan Partiyasının üzvüdür.

Ailəlidir, 2 övladı var.

2019-cu ildə Azərbaycan Respublikasının Prezidentinin Sərəncamı ilə "Dövlət qulluğunda fərqlənməyə görə" medalı ilə təltif olunmuşdur.