Zəngişalı bələdiyyəsi

Bələdiyyə
Zəngişalı bələdiyyəsi
Azərbaycan Respublikasının Ağdam rayonunun Zəngişalı bələdiyyəsi
Ölkə	Azərbaycan
Daxildir	Ağdam rayonu
Bələdiyyənin ünvanı	Zəngişalı kəndi, köhnə Kolxoz binası
Bələdiyyə sədri	Məmmədov Mirsiyab Məhiş oğlu
Tarixi və coğrafiyası
Yaradılıb	1999
Sahəsi	26,3
Əhalisi
Əhalisi	4.800 nəf. (2025)
Rəsmi dili	Azərbaycan dili
Rəqəmsal identifikatorlar
Statistik kodu	3200052321
Bələdiyyə ödənişləri üçün vergi kodu	3214
VÖEN	60938007
Telefon kodu	+994 26
Avtomobil nömrəsi	02
zengisalibelediyyesi@gmail.com

Zəngişalı bələdiyyəsi — Azərbaycan Respublikasının Ağdam rayonunda 1999-cu ildən fəaliyyət göstərən bələdiyyə.

"Bələdiyyələrin əraziləri və torpaqları haqqında" 7 dekabr 1999-cu il tarixli 771-IQ nömrəli Qanuna əsasən ilk təşkil olunan 8 bələdiyyədən biri kimi, Ağdam rayonunun Zəngişalı bələdiyyəsi yaradılmışdır.

Bələdiyyənin ilk Nizanaməsi onun 25 fevral 2000-ci il tarixli 02 nömrəli Protokolunda təsbit edilmiş Qərarı ilə, ikinci Nizmanaməsi isə 20.08.2024-cü il tarixli 10 nömrəli Qərarı ilə qəbul edilmişdir.

Bələdiyyə 2000-ci ildə “Azərbaycan Respublikasında yerli özünüidarəetmə üzrə Əlaqələndirmə Şuraları haqqında” Əsasnaməyə uyğun olaraq yaradılmış "Ağdam Bələdiyyələrinin Əlaqələndirmə Şurası"nın üzvülüyünə qəbul edilib.

2003 - 2020-ci illərdə "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş mərkəzi (Bələdiyyələrlə iş baş idarəsi) və Bərdə Regional Ədliyyə İdarəsi vasitəsi ilə həyata keçirib.

03.05.2005-ci il tarixli 903-IIQ nömrəli Qanunla təsdiq edilmiş "Bələdiyyələrin regional assosiasiyalarının Nümunəvi Əsasnaməsi"nə uyğun olaraq, bu Bələdiyyə Azərbaycan Kənd Bələdiyyələrinin Milli Assosiasiyasının üzvü olmuşdur.

2020-ci ildən "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş baş idarəsi və Qarabağ Regional Ədliyyə İdarəsi vasitəsilə həyata keçirir.

Bələdiyyənin 10 fevral 2026-cı il tarixli 5 №-li Protokolunda təsbit edilmiş 2-ci qərarı ilə Bələdiyyənin embleminin təsviri və istifadə qaydaları təsdiq edilmişdir. Bu emblemin simvolik-məna təsviri belədir:

2.MƏNA TƏSVİRİ

2.1.Ümumi təsvir

2.1.1.“Ağdam rayonunun Zəngişalı bələdiyyəsi” üçün yaradılmış rəmzi simvoldur.

2.1.2.Emblemin ümumi kompozisiyası qədim türk dövlətlərinin gerb ənənəsinə uyğundur.

2.2.Qılınc

2.2.1.Mərkəzdə qılınc – türk dövlətçilik idealını, ədaləti, dövləti qorumaq missiyasını ifadə edir.

2.2.2.Qılıncın dik vəziyyətdə olması türklərdə “Tanrı hökmü”, “göylə yer arasında ədalət” konsepsiyasını göstərir.

2.2.3.Ay və ulduz motivləri – müqəddəs sayılan kosmik simvollardır.

2.2.4.Bu simvollar türklərdə həm mədəni birlik, həm də töre (qanun–ədalət) anlayışı ilə birbaşa bağlıdır.

2.3.Ay və Ulduz – Türk Kozmoqoniyası

2.3.1.Ay qədim inanclarda tanrıça rolunu oynadığı üçün, türkçülükdə müqəddəs səmavi simvol sayılır.

2.3.2.Ulduz qədim türklərdə yön, yol və nəslin nişanıdır; Göy Tanrının işığı hesab edilir.

2.3.3.Ay–ulduz birlikdə çox erkən dövrdən türklərin bayraq və damğalarında mövcud olmuşdur.

2.4.Kitab və Qələm

2.4.1.Kitab və qələm türk maarif və mədəniyyət irsinin rəmzidir.

2.4.2.Bunlar bilgi və elmə hörmət rəmzləridir – Göytürk yazılı abidələrindən bəri türklər “bilgə” anlayışına xüsusi önəm verib.

2.5.Su dalğaları

2.5.1.Dalğalı xətlər qədim türklərdə: həyat, bərəkət, təbiət, torpağın canlanması kimi mənaları ifadə etməklə, ortaq türk damğalarında su qədim elementlərdən biridir.

2.6.Damğa bəzəkləri, türk hərfləri

2.6.1.Emblemin müxtəlif hissələrində qədim türk damğalarının işarələri görünür. Onlar kənd təsərrüfatını, peşə və sənətkarlığı, nəsil (soy) nişanlarını ifadə edən simvollardır.

2.6.2.Damğa türklərdə həm soy nişanı, həm də mülkiyyət rəmzi olub.

2.7.Bələdiyyənin fəaliyyətə başlama ili

2.7.1.Alt hissədəki “2000” yazısı Bələdiyyənin fəaliyyətə başlama ilini göstərir.

03.04.2026-cı il tarixli 10 nömrəli Protokolun 2-ci Qərarı ilə Bələdiyyənin ilk dəfə Reqlamenti təsdiq edilib. Bu Reqlament Qarabağ Regional Ədliyyə İdarəsinin dəstəyi ilə, beynəlxalq korporativ idarəetmə standartlarına və qanunvericiliyə uyğun tərtib olunub.

"Bələdiyyə əraziləri və torpaqları haqqında" Qanuna əsasən Zəngişalı kəndi bu Bələdiyyənin mərkəzidir.

Bələdiyyənin ünvanı: Zəngişalı kəndi, köhnə Kolxoz binası.

Həmin Bələdiyyənin ərazi hüdudlarına aşağıkılar aiddir:

Bu Bələdiyyə “Azərbaycan Respublikasında yerli özünüidarəetmə üzrə Əlaqələndirmə Şuraları haqqında Əsasnaməyə” uyğun olaraq yaradılmış Ağdam rayonu Bələdiyyələrinin Əlaqələndirmə Şurasının üzvüdür.

"Bələdiyyələrin regional assosiasiyalarının Nümunəvi Əsasnaməsi"nə uyğun olaraq, həmin Bələdiyyə Azərbaycan Kənd Bələdiyyələrinin Milli Assosiasiyasının üzvüdür.

"Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş baş idarəsi və Qarabağ Regional Ədliyyə İdarəsi vasitəsilə həyata keçirir.

Bələdiyyə sədri barədə məlumatlar Bələdiyyələrlə İş Potalında dərc edilir.

Ağdam rayon icra hakimiyyətinin məlumatına əsasın 2025-ci il yanvar ayı üçün Bələdiyyə ərazisində 1005 ev təsərrüfatı fəaliyyət göstərməklə, 4800 nəfər yaşayır.