Qozlu (Ağdərə)

Qozlu
40°06′47″ şm. e. 46°28′29″ ş. u.HGYO
Ölkə	Azərbaycan
Region	Qarabağ iqtisadi rayonu
Rayon	Ağdərə rayonu
Tarixi və coğrafiyası
Mərkəzin hündürlüyü	988 m
Saat qurşağı	UTC+04:00
Əhalisi
Əhalisi	650 nəf. (2005)
Rəqəmsal identifikatorlar
Telefon kodu	+994 26
Poçt indeksi	AZ5900
Nəqliyyat kodu	32
Xəritəni göstər/gizlə Qozlu
Vikianbarda əlaqəli mediafayllar

Qozlu (əvvəlki adı: Vaquas, daha əvvəlki adı: Qozlu) — Azərbaycan Respublikasının Ağdərə rayonunun Qozlu kənd inzibati ərazi dairəsində kənd. Azərbaycan Respublikası Milli Məclisinin 13 oktyabr 1992-ci il tarixli, 327 saylı Qərarı ilə ləğv edilmiş Ağdərə rayonunun Vaquas kəndi Kəlbəcər rayonunun inzibati tərkibinə verilmişdir. Azərbaycan Respublikası Milli Məclisinin 29 dekabr 1992-ci il tarixli, 428 saylı Qərarı ilə Kəlbəcər rayonunun Vaqaus kəndi Qozlu kəndi adlandırılmışdır.

XIX əsrdə buraya erməni ailələri köçüb gəldikdən sonra kəndin adı ermənicəyə tərcümə olunaraq Vaquas (Qozlu) kimi rəsmiləşdirilmişdi. 1992-ci ildə əvvəlki adi bərpa edilmişdir. Oykonim "qoz ağacları ilə zəngin" mənasını daşıyır.

1911-ci ildə dərc olunmuş 1912-ci il üçün Qafqaz təqviminə görə, Yelisavetpol quberniyasının Cavanşir qəzasının tərkibində Qozlu (i.ə.rus orf. Козлу) adlı kənd qeyd olunur.

Qozlu kəndi əvvəllər Dağlıq Qarabağ Muxtar Vilayətində Ağdərə rayonu inzibati ərazisinə aid idi, lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürüldü. Qozlu kəndi də Kəlbəcər rayonuna birləşdirilən kəndlərdən biridir. Kənd 1993-cü ildə Ermənistan Respublikası Silahlı Qüvvələri tərəfindən işğal edilib. 2023-cü il sentyabrın 19–20-də Azərbaycan Ordusunun Qarabağda keçirdiyi antiterror əməliyyatı nəticəsində Qozlu kəndi Azərbaycanın nəzarətinə qayıtmışdır.

5 dekabr 2023-cü ildə kənd Ağdərə rayonunun tərkibinə daxil edilib.

Kənd Qarabağ silsiləsinin yamacında yerləşir.