Zəhmətabad (Biləsuvar)

Zəhmətabad
39°28′19″ şm. e. 48°34′15″ ş. u.HGYO
Ölkə	Azərbaycan
Tarixi və coğrafiyası
Saat qurşağı	UTC+04:00
Əhalisi
Əhalisi	3.374 nəf. (2009)
Rəqəmsal identifikatorlar
Poçt indeksi	AZ1392
Xəritəni göstər/gizlə Zəhmətabad

Zəhmətabad (əvvəlki adı: Novomixaylovka) — Azərbaycan Respublikasının Biləsuvar rayonunun Zəhmətabad kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Biləsuvar rayonunun Bağbanlar kənd Sovetindəki Novomixaylovka kəndi Zəhmətabad kəndi adlandırılmışdır. Azərbaycan Respublikası Milli Məclisinin 19 may 1993-cü il tarixli, 611 saylı Qərarı ilə Biləsuvar rayonunun Zəhmətəbad kəndi Bağbanlar kənd Sovetindən ayrılaraq, bu kənd mərkəz olmaqla Zəhmətabad kənd Soveti yaradılmışdır.

Kənd XIX əsrin ortalarında Rusiyanın mərkəzi quberniyalarından köçürülmüş rus ailələrinin məskunlaşması nəticəsində yaranmışdır. Kənd əvvəllər rusların köçüb gəldiyi yerin adı ilə Abazovka, sonralar Novomixaylovskoye və nəhayət Novomixaylovka adlanırdı. 1991-ci ildən indiki adla adlandırılmışdır. Oykonim rəmzi məna daşıyır.

Kənd Muğan düzündə yerləşir. Bəydili, Əliabad, Bağbanlar kəndləri və Biləsuvar şəhəri ilə sərhəddir.

Kənddə 748 təsərüffat var.

Kənddə Zəhmətabad kənd kitabxana filialı və Zəhmətabad Poçt Agentliyi (AZ1392) fəaliyyət göstərir.

Kənddə Zəhmətabad kənd tam orta məktəbi və Zəhmətabad kənd ümumi orta məktəbi fəaliyyət göstərir.

Bundan başqa kənddə Zəhmətabad kənd uşaq bağçası fəaliyyətdədir.

Kənddə 1991-ci ildə inşa edilmiş Zəhmətabad kənd məscidi yerləşir.

Kənddə Zəhmətabad kənd həkim məntəqəsi yerləşir.