Nəsimi (Biləsuvar)

Nəsimi
39°32′03″ şm. e. 48°26′53″ ş. u.HGYO
Ölkə	Azərbaycan
Əhalisi
Əhalisi	3.800 nəf. (2009)
Rəqəmsal identifikatorlar
Poçt indeksi	AZ1320
Xəritəni göstər/gizlə Nəsimi
Vikianbarda əlaqəli mediafayllar

Nəsimi (əvvəlki adı: Novotroitskoye) — Azərbaycan Respublikasının Biləsuvar rayonunun Nəsimi kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Biləsuvar rayonunun Novotroitskoye kəndi Nəsimi kəndi və müvafiq olaraq Novotroitskoye kənd Soveti Nəsimi kənd Soveti adlandırılmışdır.

Kəndin keçmiş adı Günəş olmuşdur. Çar hökumətinin köçürmə siyasəti nəticəsində 1847-ci ildə Orenburq quberniyasının Troitskoye kəndindən gəlmələrin məskunlaşması nəticəsində yaranmış və Novotroitskoye adı ilə rəsmiləşdirilmişdi. Kənd 1992-ci ildə Azərbaycan şairi Nəsiminin (1369-1417) şərəfinə belə adlandırılmışdır. Memorial toponimdir.

Kənd Muğan düzündə yerləşir. Nərimankənd, Çaylı, Günəşli, Ağayrı kəndləri ilə sərhəddir.

Kənddə 900 təsərrüfat var.

Kənddə Nəsimi kənd kitabxana filialı, Nəsimi kənd Mədəniyyət Evi, Nəsimi Poçt Şöbəsi (AZ1320) və Nəsimi EATS fəaliyyət göstərir.

Kənddə Nəsimi kənd tam orta məktəbi fəaliyyət göstərir.

Kənddə 19 aprel 2010-cu ildə qeydiyyatdan keçən, şəhadətnamə nömrəsi 100110 A2-299 olan Nəsimi kəndi "İmam Hüseyn" məscidi dini icması fəaliyyət göstərir.

Kənddə Nəsimi kənd həkim məntəqəsi yerləşir.

Kənddə 1 baytarlıq məntəqəsi fəaliyyət göstərir.