Üçüncü Zobucuq

Üçüncü Zobucuq
39°34′03″ şm. e. 47°23′53″ ş. u.HGYO
Ölkə	Azərbaycan
Region	Qarabağ iqtisadi rayonu
Rayon	Füzuli rayonu
Bələdiyyə	Kərimbəyli bələdiyyəsi
Tarixi və coğrafiyası
Əsası qoyulub	13 iyun 2008
Əhalisi
Əhalisi	1.662 nəf. (2020)
Rəqəmsal identifikatorlar
Telefon kodu	994 26
Poçt indeksi	AZ1922
Nəqliyyat kodu	19
Xəritəni göstər/gizlə Üçüncü Zobucuq

Üçüncü Zobucuq — Azərbaycan Respublikasının Füzuli rayonunun Üçüncü Zobucuq qəsəbə inzibati ərazi dairəsində qəsəbə.

Bu Qəsəbə "Bələdiyyə əraziləri və torpaqları haqqında" Qanunla Füzuli rayonunun Kərimbəyli bələdiyyəsinin ərazisinə aid edilib.

"Azərbaycan Respublikasının Füzuli rayonunun inzibati ərazi bölgüsündə qismən dəyişikliklər edilməsi haqqında" 13.06.2008-ci il tarixli 643-IIIQ nömrəli Qanunla Füzuli rayonunun ərazisində yeni salınmış qəsəbə Üçüncü Zobucuq qəsəbəsi adlandırılmış və Azərbaycan Respublikasının ərazi vahidlərinin Dövlət reyestrinə daxil edilmişdir.

Həmin Qanuna əsasən Üçüncü Zobucuq qəsəbəsi mərkəz olmaqla Üçüncü Zobucuq qəsəbə inzibati ərazi dairəsi yaradılmışdır.

Qəsəbədə Qarabağ müharibəsi zamanı evlərini tərk etmiş məcburi köçkünlər məskunlaşdırılıb.

Üçüncü Zobucuq qəsəbəsində 2020-ci ilin fevralına olan məlumata görə 1662 nəfər yaşayır. Qəsəbədə 4 şəhid ailəsi, 11 Qarabağ müharibəsi əlili vardır.

Qəsəbədə torpaq islahatı aparılıb, hər bir qəsəbə sakini pay torpağı ilə təmin olunub.

2019-2020-cu təsərrüfat ilində 388 ha taxıl əkilib, 745 kq barama istehsal olunub.

Qəsəbənin işıq, su, qaz, yol ilə bağlı sosial qayğıları həll olunub.

Qəsəbədə kitabxana fəaliyyət göstərir.

Gecəgözlü Poçt Şöbəsi Üçüncü Zobucuq qəsəbəsində yerləşir. Poçt indeksi: AZ1922.

Qəsəbədə məktəb və uşaq bağçası fəaliyyət göstərir.

Üçüncü Zobucuq qəsəbəsində 288 şagird yerlik məktəb binası tikilib istifadəyə verilmişdir.

Qəsəbədə "33 № li tam orta məktəb" fəaliyyət göstərir.

Qəsəbədə tibb məntəqəsi mövcuddur.