Aşağı Quşçu

Aşağı Quşçu
40°57′20″ şm. e. 45°40′22″ ş. u.HGYO
Ölkə	Azərbaycan
Tarixi və coğrafiyası
Saat qurşağı	UTC+04:00
Əhalisi
Əhalisi	9.320 nəf. (2009)
Rəqəmsal identifikatorlar
Poçt indeksi	AZ6015
Xəritəni göstər/gizlə Aşağı Quşçu

Aşağı Quşçu — Azərbaycan Respublikasının Tovuz rayonunun Aşağı Quşçu kənd inzibati ərazi dairəsində kənd.

Oykonim "aşağıda yerləşən Quşçu kəndi" deməkdir. Etnotoponimdir.

Aşağı Quşçu kəndinin sakinləri əsli Qədim Azərbaycan torpağı olan Qarabağdan — Şuşadandır. Ağa Məhəmməd şah Qacarın 1797-ci ildə yürüşü zamanı Şuşanın Aşağı Quşçu kəndindən köçüb Tovuzun dağlarında yaşamağa başlamışlar. Sonralar zaman keçdikcə bəziləri aşagılara (arana) köçməyə başlamışlar. O dövürdən Aşağı Quşçu yaranmışdır.

Kənd rayon mərkəzindən 7 km cənub-şərqdə, Bakı-Tbilisi şose və dəmiryolunun kənarında, Əsrikçayın sahilində, dağ ətəyində yerləşir.

Həm yayı, həm də qışı mülayim keçir.

Kənddə 2 üzüm emalı zavodu var. Bundan başqa 2 böyük meyvə soyuducusu mövcuddur. Ayrıca kənddə Tovuzun su ilə təchizinə xidmət edən su anbarı var.

Kənd əhalisi əsasən əkinçilik və maldarlıq, həmçinin bağçılıq, bostançılıq, ticarət ilə məşğul olur.

Kənddə Aşağı Quşçu kənd kitabxana filialı, Aşağı Quşçu kənd Mədəniyyət Evi, Aşağı Quşçu poçt şöbəsi (AZ6015) fəaliyyət göstərir.

Kənddə İsmayıl Mürşüdov adına Aşağı Quşçu kənd tam orta məktəbi, Aşağı Quşçu kənd 1№-li tam orta məktəbi və İmran Bayramov adına Aşağı Quşçu kənd ümumi orta məktəbi fəaliyyət göstərir.

Bundan başqa kənddə Aşağı Quşçu kənd 1 №-li körpələr evi-uşaq bağçası və Aşağı Quşçu kənd 2 №-li körpələr evi-uşaq bağçası fəaliyyətdədir.

Kənddə dini ibadət yeri və ya dini icma qeydə alınmamışdır.

Kənddə Aşağı Quşçu həkim məntəqəsi yerləşir.